By continuing to browse the site you are agreeing to our use of cookies. For more details about cookies and how to manage them, see our cookie policy.
Біздің мақсатымыз – құндылық пен көлемнің өсуін қамтамасыз ету және әлемдік шығындар қисығындағы бәсекеге қабілетті позицияны ұстану.
2014 жылғы қазан айында біз Топты ірі көлемде қайта ұйымдастырдық, бұл мыс өндіруді шығыны аз ашық тәсілмен дамытуға мүмкіндік берді. 2021 жылы 299 мың тонна мыс шығардық, бұл 2015 жылдан бастап 2021 жылға дейінгі кезеңде өндірістің жиынтық 23% жылдық өсіміне алып келді.
Топтың ірі өндірістік кәсіпорындары – Бозшакөл мен Ақтоғай саладағы ең жоғары өндіріс көрсеткіштерінің бірін қамтамасыз етіп, KAZ Minerals компаниясын ресурстық бейінінде әлемдік деңгейдегі ашық типтегі мыс кеніштері басым компанияға айналдырды. Сульфидті кенді қайта өңдеу қуатын екі есе арттыру мақсатында Ақтоғайды кеңейту жобасы ресми түрде 2021 жылдың қазан айында іске қосылды.
KAZ Minerals – Қазақстандағы ең тиімді және қарқынды өсіп келе жатқан компаниялардың бірі. Мұндай экономикалық қуат қызметкерлеріміз бен олардың жақындарының мүдделерін қорғау мен құрметтеуге бағытталған корпоративтік жауапкершілікпен қатарлас келеді. Біз қызметкерлерімізге, жергілікті халыққа және өндірістік қызметіміз жүргізіліп отырған өңірлерге адалмыз.
Мысқа деген сұраныс артып келеді. Мыс қазіргі экономикалық дамуда қажетті негізгі металдардың бірі. Ол кез-келген пәтерде немесе кеңседе, әр көлік құралында немесе электр құралында бар. Мыс – жылу мен электр қуатын ең үздік өткізгіштердің бірі. Ол коррозияға төзімді және көптеген қорытпалардың құрамында кездеседі. Орташа мерзімді кезеңде мысты жеткізу шектеулі болып қалады, сондықтан мысқа деген сұраныстың болашағы оң бағаланып отыр.
Компания акциялары 2005 жылдың қазан айынан бастап Лондон қор биржасында бастапқыда Kazakhmys PLC компаниясы ретінде бағаланды. Топ активтерді бөлу бойынша бірқатар іс-шараларды қабылдап, Топты ТМД-дағы ашық үлгідегі ірі ауқымды аз шығынды кеніштерді дамытуға бағытталған, өсу деңгейі жоғары мыс өндіруші компанияға айналдырып, қайта ұйымдастыруды 2014 жылы аяқтады. 2014 жылғы 31 қазандағы қайта ұйымдастырудан кейін Компания атауы KAZ Minerals PLC деп ауысты. 2021 жылдың сәуір айында Nova Resources BV Топты қайта сатып алды.