Бозымшақ

Шығыс өңірде және Бозымшақта өндірілген кен көлемі 22%-ға, яғни 3 050 мың тоннаға дейін төмендеді (2022: 3 886 мың тонна), бұл осы жылдың екінші жартысында Бозымшақ кенішінде ашық игеруден жерасты кенішіне ауысуына байланысты болды. Бозымшақта тау-кен жұмыстары жыл басында жерасты игерудің басталуына дайындалу үшін аршу жұмыстарына бағытталды.

Қайта өңделген кен көлемі 2023 жылы 3 567 мың тоннаны құрады, бұл өткен жылдың көрсеткішінен 4%-ға төмен (2022: 3 722 мың тонна). Шығыс өңіріндегі байыту фабрикаларының өнімділігі жөндеу жұмыстары бойынша тоқтап қалуына байланысты төмендеді, бұл Бозымшақта кенді қайта өңдеу көлемінің ішінара өсуімен өтелді.

2023 жылы 46,4 мың тонна көлемінде мыс өндірісі өткен жылмен салыстырғанда 7%-ға қысқарды (2022: 50,1 мың тонна). Болжанғандай, Бозымшақта қайта өңделген кендегі мыс мөлшері 0,60%-ға дейін төмендеді (2022: 0,66%), ал Шығыс өңірдегі кенді қайта өңдеудің төмендеуі өңделген кендегі мыс құрамының 2022 жылғы 1,98%-дан 2023 жылы 2,01%-ға дейін шамалы өсуімен өтелді.

2024 жылы Шығыс өңірден және Бозымшақ кен орнынан мыс шығару шамамен 45 мың тоннаны құрайды деп күтілуде.