By continuing to browse the site you are agreeing to our use of cookies. For more details about cookies and how to manage them, see our cookie policy.
KAZ Minerals Компаниясының беделі және онымен бірге қызмет атақаратындардың, сондай-ақ ол жұмыс істейтін қауымдастықтардың сенімі Топтың табысты қызметі үшін маңызды болып табылады
KAZ Minerals Компаниясының беделі және онымен бірге қызмет атақаратындардың, сондай-ақ ол жұмыс істейтін қауымдастықтардың сенімі Топтың табысты қызметі үшін маңызды болып табылады. KAZ Minerals Компаниясының беделі және оның болашақтағы жетістігі тек заңнамалық талаптардың сақталуында ғана емес, сонымен қатар ең жоғары этикалық нормаларға сәйкестігіне де байланысты. Топтың Парақорлық пен сыбайлас жемқорлыққа қарсы күрес жөніндегі кодексі мен тиісті басшылық құжаттар KAZ Minerals Компаниясының осы маңызды саладағы ұстанымын атап көрсетеді және Компанияға өзінің беделін қорғауға көмектеседі.
Директорлар кеңесі күтілетін стандарттарды түсіндіре отырып, Топтың Парақорлық пен сыбайлас жемқорлыққа қарсы күрес жөніндегі кодексіне басымдық береді. KAZ Minerals Компаниясы парақорлық пен сыбайлас жемқорлыққа қарсы күреске қатысты нақты ұстанымды қабылдады: KAZ Minerals қызметкерлері қандай да бір себептермен тікелей немесе біреу арқылы пара немесе басқа да заңсыз төлемдерді ұсынбайды және қабылдамайды.
Топтың Парақорлық пен сыбайлас жемқорлыққа қарсы күрес кодексінің мақсаты парақорлыққа және сыбайлас жемқорлыққа қарсы күрес мәселелері бойынша Топтың принциптерін айқындау болып табылады, оны Топтың барлық директорлары, лауазымды тұлғалары мен қызметкерлері, сондай-ақ Топ атынан ынтымақтасатын немесе іс-әрекет ететін тұлғалары қолдануы тиіс.
ТОПТЫҢ ПАРАҚОРЛЫҚ ПЕН ЖЕМҚОРЛЫҚ ҚАРСЫ КҮРЕС ЖӨНІНДЕГІ КОДЕКСІН ЖҮКТЕУ
Топтың Парақорлық пен сыбайлас жемқорлыққа қарсы күрес кодексі келесі нақты стандарттарды белгілейді:
Барлық түрдегі парақорлық пен сыбайлас жемқорлыққа тыйым салынады.
Пара мен "оңайлату" деп аталатын төлемдер арасындағы айырмашылықтар қарастырылмайды, оларға да тыйым салынған.
Сыйлықтар алу немесе қонақжайлылық таныту беліглерін қабылдау ешқандай жағдайда рұқсат етілмейді. Кодексте сыйлықтар мен қонақжайлылық танытудың рұқсат етілген шегі барынша анық баяндалған.
Қызметкерлер алдын ала жазбаша келісімсіз KAZ Minerals Компаниясының мүдделеріне қайшы келетін немесе қайшы келуі мүмкін кез келген KAZ Minerals жеткізушілеріне, клиенттеріне, бәсекелестеріне немесе басқа бизнес-серіктестеріне қатысты тікелей немесе жанама қызығушылық танытпауы тиіс.
Парақорлық пен сыбайлас жемқорлық тәуекелдеріне байланысты мәселелер үшінші тараптар тартылған жағдайларда қаралуы және шешілуі тиіс, сондай-ақ үшінші тұлғалар мен басқа да іскер әріптестерге кешенді тексеру жүргізілуі тиіс.
Саяси науқанға арналған салымдарға, саяси партиялардың, саяси кандидаттардың немесе қандай да бір үлестес ұйымдардың қажеттіліктеріне арналған жарналарға тыйым салынады.
Қызметкерлерге және KAZ Minerals-бен жұмыс істейтіндерге қызметтік жағдайын теріс пайдалану, заңсыз іс-әрекеттері немесе жұмыс орнында заңсыз жүріп-тұру жағдайлары туралы мәселелерді ең алғашқы кезеңдерде көтеруге кеңес беріледі. Бейәдеп іскерлік мінез-құлық немесе заң бұзушылық немесе ішкі тәртіп ережелерін бұзды деп есептеуге негізі бар қызметкерлер мұндай жүріс-тұрыс туралы тәуелсіз үшінші тарапқа телефон немесе Интернет арқылы құпия түрде айтуды қаласа Speak Up желісін қолдануына болады. Бұл желі тәулігіне 24 сағат, жылына 365 күн, бірнеше тілде қолжетімді.