By continuing to browse the site you are agreeing to our use of cookies. For more details about cookies and how to manage them, see our cookie policy.
Біз парниктік газдар (ПГ) шығарындыларының деңгейін өлшейміз және халықаралық стандарттарға сәйкес есептер береміз. Біз Қазақстандағы көмірқышқыл газы шығарындыларына квоталар саудасы жүйесіне қолдау көрсетеміз және қатысамыз.
Климатқа байланысты қаржылық ақпаратты ашу жөніндегі жұмыс тобы (TCFD)
| 2021 | 2020 | |
|---|---|---|
| Қамту аймағы 1 |
430 |
408 |
| Қамту аймағы 2 |
1,607 |
1,571 |
| Барлығы |
2,037 |
1,979 |
| Мыс өндіру |
299 |
306 |
| Мыстың тоннасына CO2 |
6.8 |
6.5 |
| Өңделген кеннің тоннасына CO2 |
0.032 |
0.033 |
| Қайта өңделген кен |
64,393 |
59,222 |
2021 жылы көмірқышқыл газының (CO2) абсолютті шығарындылары 2 037 мың тоннаны құрады, бұл өткен жылмен салыстырғанда 3%-ға артық (2020: 1 979 мың тонна), бұл ретте дизель отыны мен электр энергиясын тұтыну өсті, өйткені Топ кәсіпорындарында тау-кен массасының көп мөлшері ауыстырылды және кеннің көп мөлшері қайта өңделді, бұл сәйкесінше 1 және 2 қамту аймақтарының шығарындыларының артуына әкелңп соқты.
Өнімділіктің артуы Ақтоғай мен Бозшакөлде сульфидті кенд өңдеу жөніндегі байыту фабрикаларының жұмыс тиімділігінің арқасында өңделген кен бірлігіне шаққандағы СО2 шығарындыларының 0,032 тоннаға (2020: 0,033 тонна) дейін төмендеуіне мүмкіндік берді. Алайда, өндірілген мыс бірлігіне шаққандағы CO2 шығарындылары 6,8 тоннаға дейін артты (2020: 6,5 тонна), өйткені Топ кенді көбірек өңдегенімен, өңделген кеннің орташа мөлшерінің төмендеуі мыс өндірісінің 2% төмендеуіне әкелді.
1 қамту аймағының шығарындылары негізінен Ақтоғай мен Бозшакөл тау-кен өндіру қызметіне, сондай-ақ Шығыс өңірдің кәсіпорындарында жылу энергиясын тұтынуға жатады. Тау-кен техникасы паркінің отын тұтынуының артуы 2021 жылы 1-ші аймақ шығарындыларының көбеюінің негізгі факторы болды, 2021 жылдың аязды қыс мезігілі де Шығыс аймақта шығарындылардың көбеюіне әкелді.
Сыртқы жеткізушілерден электр энергиясын сатып алу нәтижесінде туындайтын 2-қамту аймағының шығарындылары 2021 жылы 2%-ға ұлғайды және осы жылы Топта қайта өңделген кен көлемінің ұлғаюына байланысты 1 607 мың тоннаны (2020: 1 571 мың тонна) құрады.
| 2021 | 2020 | |
|---|---|---|
| CO2 шығарындылары (сатудан түскен $ млн табысқа тонна) |
732 |
840 |
| Сатудан түскен кіріс ($ млн) |
2 784 |
2 355 |
| CO2 шығарындыларының барлығы (1-қамту аймағы, 2-қамту аймағы, мың тонна) |
2 037 |
1979 |
2021 жылы Топтың Көмірқышқыл газының шығарындылары туралы ақпаратты ашу жөніндегі жобасының принциптеріне (сатудан түскен кірістің $1 млн шаққандағы CO2 тоннасы) сәйкес өлшенген сатудан түскен кіріске қатысты көмірқышқыл газының үлестік шығарындылары (CO2) өндіріс көлемінің өсуіне байланысты 3%-ға артты, сонымен қатар сатудан түскен кіріс 18%-ға өсті, себебі бір жыл ішіндегі мыстың аса жоғары әрі орташа бағасы Топ қызметіне оң әсерін тигізді.
Қоршаған ортаны қорғау жөніндегі саясатқа сәйкес Топ өз кәсіпорындарында көмірқышқыл газының үлестік шығарындыларын барынша азайтуға тырысады. Топтың ЕҚӨҚжТД жөніндегі комитеті Топтың өндірістік қызметі барысында көмірқышқыл газының (CO2) үлестік шығарындыларына мониторинг жүргізу үшін жауап береді. Кәсіпорындардың бас директорлары өндірістік алаңдарда өндірістің тиімділігін арттыру бойынша энергия тұтынуды барынша азайтуға бағытталған бастамаларды жүзеге асыру үшін жауап береді.
Соңғы жылдары тау-кен өндірудің заманауи технологияларын қолдану арқылы ашық тәсілмен өндіруге көшудің арқасында көмірқышқыл газының үлестік шығарындыларын азайта алды.
Ұзақ мерзімді келешекте Топ мүмкіндігінше қайтадан қалпына келтіріліп отыратын көздерден энергияны пайдалануды ұлғайтуға ұмтылатын болады. Қазіргі уақытта Топ активінің басым бөлігі орналасқан Қазақстан үкіметі 2060 жылға дейінгі ұзақ мерзімді төмен көміртекті даму стратегиясын әзірлеп жатыр, осыған сәйкес мемлекет 2060 жылға қарай көміртекті бейтараптылыққа қол жеткізуге ниетті. Жаңғырмалы энергия көздері электр энергиясы өндірісінде өспелі үлесті құрайтын болады, ал көмір электр станцияларында өндірілетін қуат біртіндеп қолданыстан шығарылатын болады.