By continuing to browse the site you are agreeing to our use of cookies. For more details about cookies and how to manage them, see our cookie policy.
Біздің мақсатымыз – білікті жұмыс күшін тарту, бұл ретте біз қызметімізді жүргізетін өңірлердегі демографиялық ахуал маңызды фактор болып табылады.
Біздің мақсатымыз қызметімізді жүзеге асырып жатқан өңірлердің тұрғындары арасынан білікті жұмыс күшін тарту және позитивті, қолдаушы және инклюзивті мәдениет құру болып табылады. Топ жас өлшемі, гендерлік қатыстылығы, нәсілі, ұлты, этникалық шығу тегі, отбасылық жағдайы, діни сенімі, тілі, саяси көзқарасы, жыныстық бағдары, жүктілік, ана болу, әке болу немесе мүгедектік белгілері бойынша кемсітушілік жағдайларын болдырмау үшін рәсімдерді белгіледі. Кемсітушілік немесе қорқыту жағдайлары туралы кез келген хабарламаларға қатысты тергеу мен бақылау жүргізіледі.
Топтың корпоративтік құндылықтарына сәйкес біз қызметкерлерді олардың мінездемелері мен қызметі негізінде іріктеуге, жалдауға және қызмет бойынша жылжытуға тырысамыз. Біз әрбір қызметкердің біліктілік деңгейін ескере отырып, оларға оқыту мен мансаптық өсудің бірдей мүмкіндіктерін ұсынамыз.
Біз өз кәсіпорындарымызда еңбек ұжымы мүшелерінің қажетті кәсіби білім мен дағдыларды дамытуға тырысамыз және мүмкіндігінше жергілікті тұрғындар қатарынан қызметкерлерді жұмысқа аламыз. Басшыларды дамыту бағдарламасы жергілікті еңбек нарығындағы жұмыскерлер қатарынан негізгі лауазымдарға кандидаттарды оқытуға және кәсіби дамытуға бағытталған. 2021 жылы Топтағы тұрақты қызметкерлердің 96%-ы біздің өндіріс кәсіпорындарымыз орналасқан елдердің азаматтары болды.
Орта және ұзақ мерзімді даму перспективасында белгілі бір бейіндегі дағдылары бар қызметкерлерге қажеттілік туындаған жағдайда, біз өз білімдерімен және тәжірибелермен бөлісуге дайын шетелдік мамандарды тартамыз. Топтың өндірістік кәсіпорындарында жұмыс істейтін шетелдік мамандардың саны шектеулі және олар негізінен жергілікті мамандар командаларымен бірлесіп жұмыс істеу үшін Ақтоғай мен Бозшакөл кәсіпорындарына тартылады, олар уақыт өте келе өндірістік қызметті басқаруды өз жауапкершіліктеріне алады деп күтілуде.
Біздің қызметкеріміз «Тау-кен өнеркәсібіндегі шабыттандыратын 100 әйел» номинациясы бойынша марапатқа ие болды.
ТолығыменKAZ Minerals әркімнің жынысына қарамастан, қазіргі және болашақтағы қызметкерлерге тең мүмкіндіктер ұсынуға тырысады. Топ жұмыскерлерінің арасындағы әйелдердің үлесі әлемдік тау-кен өндіру компанияларының көрсеткіштерімен салыстырғанда салыстырмалы түрде жоғары және қызметкерлердің жалпы санының 21%-ын құрайды. Бұл жоғары басшылық деңгейінде көрініс тапты, онда әйелдердің саны 26%-ды құрайды. Топ барлық деңгейлерде әйел қызметкерлердің үлесін арттыру бойынша жұмыстар атқаруда және аналар мен әкелер үшін бала күтімі бойынша үш ылға дейін еңбек демалысын береді, сонымен қатар осындай демалыстан қайта оралған қызметкерле үшін қайталама нұсқамалық жүргізеді.
Біз еңбек ақы төлеу кезінде гендерлік айырмашылықтарды болғызбау мақсатында ұқсас лауазымдардағы еңбекке ақы төлеу теңдігі тұрғысынан жалақыны үнемі қайта қарастырып отырамыз.