Әйелдер үшін тау-кен саласының есігін ашу

McKinsey компаниясының зерттеуіне сәйкес, әйелдер әлемдегі тау-кен өнеркәсібіндегі жұмыскерлердің жалпы санының 8-ден 17 пайызға дейінгі үлесін құрайды. KAZ Minerals жұмыскерлері қатарында салыстырмалы түрде әйелдердің жоғары үлесі (21%) бар және әйелдердің үлесін одан әрі арттыруға ұмтылады. Қазақстанда 2021 жылға дейін тау-кен жабдықтарын басқаруды қамтитын кеніштерде белгілі бір жұмыстарды атқаратын әйелдерге тарихи тұрғыдан заңды шектеулер болғаны тежеуші фактордың бірі болып табылады.

KAZ Minerals компаниясы тау-кен өнеркәсібіне әйелдерді жұмысқа орналастыруға қойылған шектеулерді алып тастау бойынша ұзақ науқанды басқарды және 2021 жылғы 12 қазанда Қазақстан Республикасының Еңбек кодексіне сәйкес өзгертулер енгізілді. Ауыр жүкті қолмен көтеруді қажет ететін жұмыстарды қоспағанда, енді әйелдер өнеркәсіптің әртүрлі саласына ешқандай шектеусіз жұмысқа орналаса алады.

Біз бұл барлық қызметкерлерге жынысына қарамастан тең мүмкіндік беру жөніндегі өз міндетімізді орындаудағы маңызды қадам деп санаймыз. Еңбек кодексіне түзетулер енгізілгеннен кейін әйелдердің кәсіпті ерлермен тең дәрежеде таңдау мүмкіндігі пайда болды, бұл ретте олар баламалы еңбекақы алады, ал Топ әлеуетті қызметкерлердің кең ауқымынан пайда көреді.

Ақтоғай үшін кен орнына жақын тұратын әйелдерге арналған тау-кен техникасы операторларының бос лауазымдарына бос орындар туралы хабарландырулар орналастырылатын болады, ал KAZ Minerals қызметкерлерді оқыту және дамыту бөлімі әйел жүргізушілерге арналған кәсіптік даярлау бағдарламасын әзірледі. KAZ Minerals-тегі өзі аударғыш көліктің тағылымгер операторы болған алғашқы әйел Наталья Хлебникова Mercedes жүк көлігімен алғашқы дайындықтан өтті, содан кейін CAT 777-ден 793-ке ауысу арқылы CAT өзі аударғыш көліктерінде оқуды жалғастырды. Осы көлік құралдарының жүк көтергіштігі 70-тен 200 тоннаға дейін.

«Мен карьерлік өзі аударғыш көлік операторы болуды шештім, өйткені мен оның күші мен қуатына тәнтімін. Маған осындай үлкен машинаны жүргізу қатты ұнайды. Әйелдер де ер адамдар сияқты алдына мақсат қойып, соған жетуі керек деп есептеймін. Әйелдер зымырандар мен ұшақтарда ұшады, пойыздарды басқарады. Ааз тонналы техниканы игердік; енді ауыр тау-кен техникасының уақыты келді. Еліміз арулардың жетістіктерін мақтан тұтуы үшін осымен тоқтап қалмай, дамығым келеді!» – дейді Наталья Хлебникова, Ақтоғай кенішінің өзі аударғыш көлік операторы.