Болашақта білім алу мүмкіндіктерін кеңейту

KAZ Minerals Тобы ұзақ мерзімді перспективада Топты әлеуметтік қолдау міндеттеріне сәйкес біздің өндірістік кәсіпорындарымыздың жанында орналасқан өңірлердегі жастар үшін білім алу мүмкіндіктерін жақсартуға ұмтылады. Топ ретінде біз білім беру жобаларының кең ауқымын қолдаймыз, соның ішінде студенттерге арналған стипендияларға, гранттар мен тағылымдамаларға инвестиция салу және жергілікті университеттер мен колледждерге жөндеу мен жабдықтауға байланысты шығындарға қаржы беру.

2021 жылы Топ үлкен оқу орындарынан алыстаа тұратын студенттерді тұрғын үймен қамтамасыз ету бойынша жаңа жобаны қаржыландырды.

Жергілікті университеттер мен колледждердің көпшілігі аймақтық орташа және ірі қалаларда шоғырланған, бұл шағын қалалар мен ауылдардан келген студенттерге оқуын жалғастыру үшін айтарлықтай кедергілер тудырады. Тұрғын үйдің қымбаттығы мен тапшылығы көптеген адамдар үшін күрделі мәселе болып табылады және Қазақстандағы кейбір оқу орындары студенттерді жатақханамен қамтамасыз еткенімен, барлық оқу орындары студенттерді оқу кезінде жеткілікті мөлшерде баспанамен қамтамасыз ете алмайды. Нәтижесінде KAZ Minerals тобы 100-ден астам студентке арналған жатақхана салу арқылы Аягөз политехникалық колледжімен ұзақ мерзімді серіктестігін кеңейтті.

Жатақхананың құрылысы 2021 жылдың қарашасында аяқталып, желтоқсан айында алғашқы студенттер қабылданды. Сондай-ақ жатақханада студенттердің оқуы, дене шынықтыруы және демалуы үшін барлық қажетті жағдай жасалған, соның ішінде толық жабдықталған кітапхана, бірнеше оқу кабинеттері және спорт залы қарастырылған.

«Газ және электр жабдықтарына техникалық қызмет көрсету» мамандығының студенті Талғат Қалиев: «Жатақхана қазіргі заманға сай салынған, мұнда барлық жағдай жасалған және бұл мен сияқты студенттерге үлкен мүмкіндіктер ашады. Бұл біз үшін үлкен қолдау, сонымен қатар жайлы әрі жылы үй».